«Ուրբաթօրյա սրճարան» ամենշաբաթյա հավաքույթ

ՇՏՊՔ-ն համագործակցելով Գյումրու «Երիտասարդական նախաձեռնությունների կենտրոն» YIC – իի հետ, մարտի 20 – ին մի շարք ուսանողներ ու դասախոսներ մասնակցեցին «Ուրբաթօրյա սրճարան» ամենշաբաթյա հավաքույթին: Համագործակցության նպատակն էր երիտասարդներին ներգրավել բարեգործական աշխատանքների  մեջ, ապահովել միջուսանողական կապը, մասնակցել լեզվական խմբակներին, խթանել երիտասարդների միջմշակութային ուսուցումը: Դասախոսներին և ուսանողներին հատկապես հրապուրեց միջազգային համագործակցության զարգացումը: Հարևան երկրների երիտասարդների միջև ուղղակի շփման հնարավորությունների ստեղծում՝փոխանակման ծրագրերի, ճամբարների, փառատոնների, ուսումնական այցերի միջոցով:

«Ես եմ իմ հայրենիքի պաշտպանը» սեմինար-պարապունք

ՇՏՊՔ-ն համագործակցելով «Արաքս կենտրոն» բարեգործական հասարակական կազմակերպության հետ մարտի 20-ին  կազմակերպեց սեմինար-պարապունք «Ես եմ իմ հայրենիքի պաշտպանը» ծրագրի սահմաններում: Սեմինարը  նվիրված էր  հայրենասիրական ներքոհիշյալ թեմաներին.

  • Հայ ժողովուրդը երկրորդ համաշխարհային պատերազմում, Արցախյան Ազատամարտ
  • Միջազգային մարդասիրական իրավունք
  • Միասնական պայքար փողոցային արատավոր բարքերի դեմ
  • 100-դ տարելից – Ցեղասպանություն
  • Արցախայան ազատամարտի հերոս, Մարտական Խաչ 1-ին աստիճանի շքանշանակիր Վարդան Ստեփանյանի (Դուշման) կենսագրությունը և անցած մարտական ուղին

Ընթացքում դիտեցին նաև «Խոնարհ հերոսներ» ֆիլմը: Սեմինարին մասնակցում Էին «Արաքս կենտրոն» բարեգործական հասարակական կազմակերպության նախագահ  Ա.Խաչատրյանը, փորձագետ Ս.Ավետիսյանը, ՇՏՊՔ-ի տնօրեն Է. Պետրոսյանը, ուսումնադաստիարակչական գծով փոխտնօրեն Ա.Խուրշուդյանը,  զինղեկ Ք.Պալաքյանը, քոլեջի դասախոսներ և ուսանողներ: Սեմինարի նպատակն էր ուսանողների մոտ բարձրացնել հայրենասիրական ոգին:

Ծրագրի համագործակցումը քոլեջի հետ ունի շարունակական բնույթ: